التقينات والمكتبات ولغات البرمجه التي بإمكاننا تضمينها عند تحزيم setup.exe مشاريع البرمجة في برنامج Setup Factory .
التقنيات التي بإمكاننا تضمينها عند تحزيم setup.exe
Microsoft NET Framework
Crystal Report
DevExpress
dll
ocx
#Other
لغات البرمجه التي بإمكاننا تضمينها عند تحزيم setup.exe
Visual studio
C++
Java
C
Python
PHP
#Other
قواعد البيانات
Access
Microsoft® SQL Server
Mysql
Oracle
PostgreSQL
DB2
Fox
#Other
الدرس القادم راح نتعرف اكثر على شاشات وخيارات برنامج Setup Factory 9 و هم ناخذ مثال تطبيق عملي على مشروع معين يضمن تقنيات وقواعد بيانات ونحولهه الى setup.exe ونثبتهه على حاسبة العميل بالتفصيل الممل…
الى / المجتمع العربي
م / باللهجه العراقيه ما يصير بينه خير لو تطلع براسنه نخله
قبل فتره راسلني كم شخص وجزاهم الله الف خير وكلولي بان مواضيع قناتك جاي تنشر بغير قنوات مع حذف حقوق ناشر ونسب حقوقهم على مواضيع ، وفعلا تأكدت وشفت اكثر من قناه وليس قناه واحده تنشر بدون اذن ، رحت حاجيت الشخص على خاص ، الولد ضل يعتذر ومع احتراماتي اله هو مو يم البرمجه ولا يم حاسبات ابدا والدليل السارق ما يترك اثر وراه وهذا صاحبنه ناشر مواضيع وعايف فيديوهات ما ناشرها لان بيهه اسمي ومعرف قناه مايكدر يغير عليهه شي ،، المهم بلغته وكتله احذف مواضيع واذا نشرت بعد راح انشر قناتك بقناتي وكلهم هذا اخذ حقوق قناة وهو كلي راح احذف لكن دون فائده ولا كانما احجي وياه ،، عفته ونشرت قناته بقناتي وبينت الكم هو شلون سرقني ،،،
هسه عاده الكره ولكن هل مره على كولتهم غسلت ايدي من المجتمع العربي
قبل يوم راسلني كم شخص وكلولي قناتك راح يهكرونهه ، هسه اذا كان خبر صحيح جزاه الله خير واذا كان كذب هو والله ،،
احب اكول للشخص يريد يهكر قناه صراحه ماعرف شحجي وشكول على هيج نماذج تعبانه يعني انت تريد تهكر بس اريد اعرف شنو قناتي ناشر بيهه مثلا اغاني ام كلثوم لو محتوى غير اخلاقي حتى تريد تهكرها ،، بيك خير وزود روح هكر قنوات الي تنشر اغاني وشغلات محلوه مو تجي على قناه علميه وطلاب وناس بصورة عامه مستفاده منهه ،، بس اعرف انت مابيك خير وادري بيك بس حجي ،،،
قِبل ايام حجيت حجايه بقناتي ثانيه " هندسه الحاسبات "يمكن شفتوا منشور كلت احنه المجتمع العربي اذا صار بيه خير وكدرنه نسوي نظام تشغيل خاص بينه نخربه لان نختلف على تسميته وكلمن يكول نسميه باسم فلان وعلان ،
شوفوا الغرب وين وصلوا للقمر واحنه بعدنه واحد يسقط بالثاني ،، والله مرات من اشوف تقرير او قصه حياة شخص عربي مبدع بغض النظر من اي دولة مهم يمثل المجتمع العربي على الاقل نوصل شويه للغرب من ناحيه تطور ،، لمن اشوفه هذا شخص مبدع مخترع شي صراحه افرح واكول احنه مبدعين مدام عدنه هيج ناس مبدعه ، على عكس اكو البعض مع احتراماتي للناس زينه باقي يحجي على هذا ويسقط بفلان ولمن تجي تحجي وياه مايعرف يحجي ومايفرق بين حرفين ض ، ظ ،، ويجي يريد يهكر يا اخي انت غاسل وجهك من صبح حتى تهكر
عذروني على كلامي بس والله مرات واحد يطلعلك من طورك وحجيت حجي مال واحد محروك كلبه مو من لان يريد يهكر قناة وانما احنه المجتمع العربي مايصير بينه خير ولا راح نطور ابدا…
من توصل مرحله وشوف البعض من ناس يجل القارى تعبانه اضل ماعرف شحجي لان تنسى كل شي من وراهم ،، يعني قناة علميه وطلاب وناس مستفاده منهه وجاي اكتب ونشر اشياء مموجوده وحتى لو موجوده مراح تحصولها مجانيه لو تلكوها برصيد لو مبلغ من مال ،، جاي انشر الكم برامج مفعله مجانا وكل شي ،، ،يجي شخص بليله وضحاها يريد يهكر قناة
اخر شي اكوله
بسم الله الرحمن الرحيم
"واما بنعمة ربك فحدث "
صدق الله العلي العظيم
انه واعوذ بالله من كلمه انا من سويت القناة مجانيه اكدر انشر كل شي مدفوع واكدر اخذ رصيد مثل باقي القنوات الي مع الاسف مستغلين ناس على فطرتهه وياخذون منهم ارصده ومبالغ على ابسط الاشياء ، لكن انه ماحب اخذ اي شي من اي شخص ودعائكم بظهر الغيب يكفي ،
والحمد الله ما يوم شخص راسلني ورديته وما ساعدته او قدمت اله نصيحه لوجه الله ،، ومن لم يشكر المخلوق لم شكر الخالق… .
ان شاء الله نتخلص من المبغضين والحاقدين والحاسدين وكل شخص ما يحب الخير للناس…
للنّجاح أناس يقدّرون معناه، وللإبداع أناس يحصدونه، أنتم جميعًا متابعي القناة تستحقّون الشكر والثناء، فلولاكم لم تكن قناتي لتصل إلى أفضل المراتب، ولولا جهودكم لما كان للنجاح أيّ وصول، ولما تحققت الأهداف، فأنتم أساس رفعة هذه القناة وأساس تقدمها، وأنتم من يحمل شعلة النجاح والتطور، كلمة حبّ وتقدير، وتحيّة وفاء وإخلاص، تحيّة ملئها كلّ معاني الأخوّة والصّداقة، تحيّة من القلب إلى القلب، شكراً من كلّ قلبي.
فشكرًا لكم وإلى الأمام دائمًا.